Il firmatario non ha presentato/depositato la petizione.
Wü, di Sölring Foriining, di Sölring Kultuur- en Haimaatforiining, sen diar bang fuar, dat dit Stiintirgreev Denghoog döör di direkt Naiighair fan en Bechsprojekt söner Weđerkumen tönöntmaaket uur skel. Dit Ütheeven fan en binai 1.000 m³ gurt Keler, diar bluat litjet Meeters fan di Teenkstairfut wech es, kür di 12 Tenen swaar Aurskotstiin fan di Denkhoog tö't Iinstörten bring. Dit Techtmaakin fan jen fan di wichtigst tö bigungen Megalithgreewer fan Nuurđeuroopa drauet. Diar sen muar üs 5.000 Jaaren ual Histoori tö forleesen. Weđer jens skel üp Söl' di Biwaaring fan üüs Kultuurgur achter priwaat, komertsjel Interesin stelt uur. Diarme skel nü entlig üp dit hiil Ailön Slüt wiis!"
Wü forlang:
Di Omseeting (üp jest Stair) fan dit Teenkstairsjutsgisets fuar dit Bechgisets üp dit hiil Ailön.
Di al lung brükt Iinrochting fan di rochtelk fuarskrewen Sjutsbirik om dit ön Euroopa jenmolig Stiintirgreev Denghoog.
Di Anering fan di Bibechingsplaan 7 fan di Gimiindi Woningstair-Brērep. En diarme di Forhenering fan dit önerkelert Bechning üp Sir fan dit Stiintirgreev Denghoog.
Motivazioni:
Forklaaring: Di Warkgrens fan di Söl’ring es töfaat fingen! Di algimiin Bechdrang skel nü Söl’ring Kultuurgur tö Aawer faal. Ark Bechplaats diar töreer staant uur fan Investooren āpbrükt, söner diarbi om Söl’ring Teenkstaiđer tö teenken, üs nü ön di Faal fan dit Stiintirgreev Denghoog ön Woningstair-Brērep üp Söl’. Wü, di Söl’ring Foriining, üs Biwaarers fan dit Söl’ring Kultuurgur en Bidriiwer en Ainer fan di Denghoog haa di birochticht Sörig, dat bi Iinsats fan swaar Bechmaskiinen lik bitö di Teenkstairfut di Draistiiner fan dit Megalitgreev forskööwen uur kür. En Iinstörtingsgifaar diar diarfan resultiaret her dit duuraabel Techtmaakin fan di bigungbaar Denghoog tö Fölig. Düüsenten fan Tuuristen en Skuuljungen bisjuk jaarelk det Tjüünis diar Iindrük maaket, fan di Jungstiintir. Hat es jen fan di man litjet originaal bihölen Megalitgreewer fan Sleeswig-Holstiin en üs tuuristisk “Highlight” fan dit Ailön ek wechtöteenken. Dit Forleesens fan di aur 5000 Jaar ual Denghoog wiar ek hiil tö maakin en waar fuar ali Generatsjoonen gel, uk dānen diar jit kum skel.
Fuul Toonk fuar juu Stöt, Söl’ring Foriining fan Tinem/Söl’
Link alla petizione
La petizione è stata tradotta nelle seguenti lingue
Novità
-
Petition wurde nicht eingereicht
il 18/06/2020Liebe Unterstützende,
der Petent oder die Petentin hat innerhalb der letzten 12 Monate nach Ende der Unterschriftensammlung keine Neuigkeiten erstellt und den Status nicht geändert. openPetition geht davon aus, dass die Petition nicht eingereicht oder übergeben wurde.
Wir bedanken uns herzlich für Ihr Engagement und die Unterstützung,
Ihr openPetition-Team
Dibattito
Non è ancora un argomento CONTRA.
