Meirihluti sveitarstjórnar Þingeyjarsveitar ákvað á fundi þann 18. desember 2014 að loka Litlulaugaskóla í vor og keyra alla nemendur skólans rúmlega 20 km leið í Hafralækjarskóla í Aðaldal. Þó svo að margt hafi verið gert til þess að láta líta svo út sem um vandaða og faglega ákvörðun sé að ræða sem tekin sé í fullu samráði og sátt við íbúana verður hverjum þeim sem rýnir í fyrirliggjandi gögn og kynnir sér málið ljóst að svo er ekki. Margt mælir gegn ákvörðuninni, eingöngu voru skoðaðir þrír kostir í skólamálum og af þeim kostum sem þó voru skoðaðir virðist sem engir hafi í raun verið skoðaðir ofan í kjölinn. Allt þetta og fleira vekur upp grun um að annað hafi ráðið hér för en fagmennska og vönduð stjórnsýsla. Það er sannfæring þeirra sem standa að baki þessari undirskriftarsöfnun að þó svo að íbúar á öðrum skólasvæðum í Þingeyjarsveit en Litlulaugaskóla sjái ekki hversu glórulaus þessi ákvörðun er þá sjái það margir aðrir - fleiri en þeir sem sjá það ekki, fleiri en allir íbúar í Þingeyjarsveit til samans.

Begründung

Þingeyjarsveit er víðfemt en fámennt sveitarfélag. Útsvarstekjur á hvern íbúa eru með þeim lægstu á landinu og íbúum hefur fækkað nokkuð á síðustu árum. Í sveitarfélaginu er einn lítill byggðakjarni, Laugar, Íbúum á Laugum hefur fjölgað nokkuð á síðustu árum og þar er Framhaldsskóli sem segja má að sé skatttekjulega séð stóriðjan í Þingeyjarsveit. Lokun grunnskóla í byggðarkjarnanum mun veikja hann og grafa undan rekstrinum. Skaðinn sem af hlýst kann að verða óbætanlegur og sökum þess hvernig farið er fram er hætt við að sár myndist í samfélaginu sem seint, ef þá nokkurn tímann munu gróa. Við teljum því mjög áriðandi að vikið verði frá þessari ákvörðun. Íbúar Þingeyjarsveitar eru í dag innan við eitt þúsund. Við sem stöndum fyrir þessari undirskriftarsöfnun erum sannfærð um að við getum fengið fleiri en það til þess að skrifa undir áskorun okkar hér til meirihluta sveitarstjórnar um að hverfa frá ákvörðun sinni. Við hvetjum alla til þátttöku og bendum á að einnig getur hver sem er sett inn rökstuðning- hvort sem heldur menn eru með eða á móti. Eins má senda fyrirspurnir og deila þessar söfnun á samfélagsmiðlum. Takk fyrir þátttökuna.

Vielen Dank für Ihre Unterstützung

Übersetzen Sie jetzt diese Petition

Neue Sprachversion

Neuigkeiten

  • Það var svona skyndiákvörðun að fara af stað með undirskriftarsöfnun á netinu á sínum tíma. Málið var ekki undirbúið með neinum fyrirvara en þá átti ég nú von á því að sökum þess hvers eðli þetta mál er að það myndi rata í stóru fjölmiðlana. Þegar það yrði myndi koma sér vel að hafa farveg fyrir fólk til þess að sýna stuðning. Ekkert hefur orðið að því enn að stóru fjölmiðlarnir sýni þessu máli áhuga og enn vita fáir landsmenn af því sem er að gerast í Þingeyjarsveit í skólamálum. Í yfirlýsingu með undirskriftarsöfnuninni á sínum tíma setti ég fram þá fullyrðingu um að vel mætti fá 1.000 fylgjendur í þessa undirskriftarsöfnun. Það markmið náðist ekki og hér eru 89 undirskriftir. Enginn hefur bæst í hópinn í margar vikur. Ég mun því ekki gera neitt frekar með þessar undirskriftir og gögnunum verður eytt. Ýmislegt bendir til þess að barátta mín við sveitarfélagið í þessu máli hafi reynst mér dýrkeypt og bið ég alla þá sem skrifuðu hér undir afsökunar á því að ég treysti mér ekki til þess að koma rödd þeirra til skila. Ég vil samt þakka öllum sem tóku þátt og skrifuðu undir og hvet fólk til þess að halda áfram að fylgja sannfæringu sinni og láta frá sér heyra þegar því er misboðið því eins og segir í kvæði Tómasar Guðmundssonar, Heimsókn:
    Á meðan til er böl sem bæst þú gast,
    og barist var á meðan þú sast,
    er ólán heimsins einnig þér að kenna.

    Með kærri kveðju,
    Aðalsteinn Már Þorsteinsson
    Hjalla í Reykjadal.

  • Mótmælafundur 2

    am 23.01.2015

    Sveitarstjórn Þingeyjarsveitar fundar að jafnaði annan hvern fimmtudag kl. 13:00.
    Síðasti fundur var 15. janúar og þó svo að mótmælafundur hafi eingöngu verið auglýstur á Facebook kvöldið áður mættu 15 manns (mest voru 12 í einu að mótmæla). Íbúar sveitarfélagsins eru tæplega 1.000 og mæting var því 1,5%. Það samsvarar því að rúmlega 1.800 Reykvíkingar mæti á mótmæli eða 270 Akureyringar.
    Mótmælt verður aftur fyrir utan skrifstofu sveitarfélagsins í Kjarna fimmtudaginn 29. janúar. Allir sem hafa tök á því og áhuga eru hvattir til þess að mæta og hafa með sér pott eða pönnu.

Pro

Niðurstöður úr byggðaþróun úr sveitum sem hefðu átt að græða á nágrenni við stóran byggðarkjarna, líkt og menn reikna með að skólahverfi Stórutjarnarskóla muni gera, sýna að þó íbúum fjölgi á svæðinu fjölgar börnum ekki (sjá greinina og hagvísinn sem vísað er í frá Vesturlandi).

Contra

Samkvæmt því sem kemur fram í Fésbókarfærslu Snorra Guðjóns Sigurðarsonar við frétt af þessari undirskriftarsöfnun inn á 641.is þá er hún glórulaus þar sem hún veitir öllum, óháð því hvort þeir eru aðilar að málinu eða ekki tækifæri til þess að skrifa undir. Þá segir hann það hafa alltaf verið vitað að aldrei yrðu allir sáttir við ákvörðun í skólamálum, sama á hvorn veginn hún yrði. Að loka Litlulaugaskóla eða Hafralækjarskóla.