Die Petition wurde abgeschlossen
Studienkolleg-u i Universitetit Martin-Luther nuk duhet të bjerë viktimë e shkurtimeve financiare të sektorit të arsimit! Prej muajsh qeveria e Landit të Sachsen-Anhalt njofton për shkurtime fondesh. Sipas deklaratave të politikanëve të Landit, për shkak të rrjedhjes së fondeve për financimin e pakteve të solidaritetit dhe të Bashkimit Europian, Landit i mungojnë deri në 2020 edhe rreth 2 miliardë €, pra rreth 8 në vend të 10 miliardë € deri tani. Prandaj, edhe Ministria e Arsimit dhe Ekonomisë, përgjegjësia e së cilës ndodhet në financimin e shkollave të larta, duhet të kursejë. Konkretisht, në vitin 2014 duhet të shkurtoheshin 18 milionë €. Nga viti 2015 deri në vitin 2019, shkollave të larta do t’i vendosen 5 milionë € në vit më pak në dispozicion në krahasim me vitin 2014. Nga viti 2020 do të aplikohen shkurtime të tjera, shifrat e të cilave nuk janë bërë publike deri tani. Pasojat e këtyre shkurtimeve dramatike janë mbyllja kërcënuese e shume instituteve të universiteteve dhe shkollave të larta të Landit. Edhe e ardhmja e Studienkolleg-ut të Universitetit të Halle-s ndodhet në rrezik. Në Studienkolleg përgatiten momentalisht të rinj nga 50 vende të botës për të studiuar në Gjermani. Që atyre t’i hiqet kjo mundësi vetëm për shkakun e masave të ndërmarra për të kursyer, na shqetëson shumë. Sipas këndvështrimit tonë, edhe Republika Federale e Gjermanisë duhet ta konsiderojë këtë më tepër si përgjegjësinë e vet. Pasi arsimimi parauniversitar i studentëve ndërkombëtarë është një detyrë e përbashkët gjermane. Ҫfarë do të ndodhte, nëse për shkaqe financiare të gjithë Landet do të hiqnin dorë nga kjo detyrë, është e qartë. Si në rastin e Landit të Nordrhein-Westfalen, ku para 5 vjetësh u shkurtuan 1200 vende studimi në Studienkolleg. Nëse kjo iniciativë kontribuon në zgjerimin e synuar të një kulture mikpritjeje në shkollat e larta gjermane, të lë të dyshosh. Për më teper, paratë (milionat) e zhbllokuara të asistencës sociale (Bafög) dhe financimet e mëtejshme të qeverisë federale i bëjnë shkurtimet e qeverisë së Landit jo vetem të pakuptimta, por edhe të panevojshme. Paratë janë në dispozicion dhe tani duhet vetëm të shkojnë në dobi të arsimit. Ne i kërkojmë Ministrit të Arsimit Hartmut Möllring, ashtu si edhe të gjithë Qeverisë së Sachsen-Anhalt që të mos ta mbyllin Studienkolleg-un e Universitetit Martin-Luther.
Begründung
Arsyet: Për arsye të panumërta nuk mund t‘i kuptojmë planet e mbylljes. • Studienkolleg-u u jep të rinjve të talentuar nga e gjithë bota mundësinë e vetme për të studiuar në Gjermani, duke qenë se diploma e tyre e maturës nuk njihet. • Ndërkombëtarizimi i shkollave të larta të Landit vlen si në rang Landi, ashtu edhe në rang federal, si një ndër qëllimet më të rëndësishme të viteve të ardhshme. Kështu është e shkruar në planin e shkollave të larta të Landit të Sachsen-Anhalt dhe kështu komunikon edhe Ministria Federale për Arsimin dhe Kërkimin Shkencor: Ndërkombëtarizimi është një gur themeli qendror në zhvillimin e imazhit institucional të shkollave të larta gjermane [...] Ai i shërben punës së përbashkët dhe dialogut të kulturave. (1) Me mbylljen e Studienkolleg-ut, nëpërmjet personave përgjegjës, këto plane do të binin në kundërshtim me veten. • Interesi për vendet e studimit në Studienkolleg i tejkalon kapacitetet e pranimit. Në semestrin e dimrit 14/15 kishte rreth 1200 të interesuar nga mbi 50 shtete, të cilët u regjistruan për provimin e pranimit, por prej të cilëvë vetëm 120 mund të pranohen çdo semester. • Studienkolleg-u në Halle përgatit studentët për degët klasike të universiteteve gjermane, ndërsa Studienkolleg-u në Köthen është i profilizuar vetëm në fushën e shkollave politeknike. Një përqendrim i kapaciteteve të Halle-s në Köthen do të ishtë edhe per arsye logjistike i pamundur. • Vetëm nëpërmjet një parapërgatitjeje shkencore të mirëbazuar si ajo në Studienkolleg, është i mundur studimi në mënyrë të suksesshme në një universitet gjerman: sipas një studimi (HIS) të bërë publik nga DAAD (Shërbimi Gjerman për Shkëmbim Akademik), numri i studentëve pa kualifikimin e Studienkolleg-ut që ndërpresin studimet është 3 herë më i madh sesa i atyre me Studienkolleg. (2) • Me paratë e zhbllokuara nga asistenca sociale (Bafög), qeverisë së Landit nuk do t’i mungojnë mjetet financiare të nevojshme, prandaj edhe shkurtimet në planin financiar janë të panevojshme. (1) Strategji e ministrive të ekonomisë të Qeverisë Federale dhe të Landeve për ndërkombëtarizimin e shkollave të larta në Gjermani (Dekret i Seancës së 18-të Konferencës së përbashkët të Shkencave më 12 prill 2013 në Berlin), S. 2 (2) Heublein, Ulrich (u.a.). Vazhdimësia e studimeve të larta të studentëve të huaj. Një analizë e katër shkollave të larta të zgjedhura. (Studienverlauf im Ausländerstudium. Eine Untersuchung an vier ausgewählten Hochschulen.) URL: https://www.daad.de/de/download/zahlen/dok-und-mat_55.pdf [Stand: 02.06.14] Në emër të të gjithë firmëtarëve.
Link zur Petition
Diese Petition wurde in folgende Sprachen übersetzt
Debatte
Noch kein CONTRA Argument.